| |
| Nexşerêya 11 xalî |
 |
| 2019-01-21 18:51 |
| MediaKurd > info@mediakurd.com |
|
Li gor hatiye ragihandin, rêveberîya xweser a Rojavayê Kurdistanê, ligel Rûsya û hikûmeta Sûrîyê hevdîtin pêk anîne û ji bo çareserîya pirsgirêkan nexşerêyek ku ji 11 xalan pêk tê pêşkêş kiriye.
Li gor ku Şerqu’l Awsad belav kiriye, ew 11 xalên ku rêveberîya xweser pêşkêşî desthilatdarîya Şamê kiriye ev in:
1- Paytexta Sûriyê Şam e û welatekî unîter, yekgirtî û sînorên wê li qada navdewletî hatiye naskirin.
2-Serokê hilbijartî Beşar Esed serokê tevahîya Sûrîyê ye.
3-Çavkanîyên siruştî, dewlemendîya hemû welatîyan a netewî ye.
4-Di siyaseta derve û biryarên platformên navdewletî de, polîtîka dewletê ya ku di destûrê de hatiye destnîşankirin, tê naskirin.
5-Li gor Neteweyên Yekbûyî (NY) ala fermî ya Sûrîyê tê naskirin.
6-Alîyê Kurd yekbûna artêşa dewletê nas dike, lê ji bo HSD jî bibe beşek ji wê artêşê gotûbêj dikarin bên kirin.
7-Bi guhertina destûrê re divê rewşa awarte li welêt bê rakirin. Yan jî qet nebe destûra lihevkirinê bê çêkirin û reformên qanûna partîyan bên kirin.
8-Divê rêveberîya Şamê xweserîyê nas bike.
9-Divê hemû kiryarên cudaxwazî yên li hember gelê Kurd bên rakirin.
10- Divê Kurd jî tevî Suryanî, Turkmen, Ereb û pêkhateyên din, wek pêkhateyek girîng a gelê Sûrîyê bên naskirin.
11-Herêma Kurdan jî di nav de, ji bo hemû herêmên din, divê budçe bê diyarkirin.
|
|
|