| |
| ENKS ne di wê rewşê de ye ku şert û mercan deyne |
 |
| 2018-05-23 23:13 |
| MediaKurd > info@mediakurd.com |
|
Pirsgirêkên di navbera TEV-DEM (PYD) û ENKS de berdewam in. Endam û rêvebirên ENKS ji alîyê asayîşa PYD ve tên girtin, tên revandin, ofîsên wan tên girtin û nahêlin ENKS li Rojavayê Kurdistanê bi azadî siyaseta xwe bike.
Berî çend rojan Hevserokê TEV-DEMê Aldar Xelîl û Berpirsê Dosyeya Rojavayê Kurdistanê Hemîd Derbendî li Hewlêrê hevdîtin kiribûn û li ser yekrêzîya TEV-DEM û ENKS axivîbûn. Lê xuyaye wek peymana ku berî çend salan li Duhokê lihev kiribûn, tiştek ji hevdîtin û axavtina wan dernakeve.
Ji bo yekrêzîya herdu alîyan ENKS çend şert û merc danîbûn ber TEV-DEMê. Şertên ENKS ev bûn: “Divê girtîyên siyasî bên berdan, divê destûr bê dan ku ENKS ofîsên xwe li Rojava veke, divê midaxele li karên ENKS neyê kirin û divê li pêşîya çalakîyên wan partiyên di bin banê ENKS de astengî neyên çêkirin.”
Di vê derbarê de Serokê Komîteya Dîplomasîya TEV-DEM Abdulselam Ehmed axivî û got ku şert û mercên ENKS dixwaze ne dûrî rastîyê ne û ENKS ne di wê rewşê de ye ku şert û mercan deyne ber TEV-DEMê.
Ji gotinên Abdulselam Ehmed tê fêmkirin ku TEV-DEM hesabê ENKS nake û tu şert û mercên wê qebûl nake. Ev jî tê wateya berdewamîya pirsgirêkên di navbera herdu alîyan de.
|
|
|