| |
| Sûrîye piştgirî da rejîma melayên Tehranê |
 |
| 2018-01-03 23:13 |
| MediaKurd > info@mediakurd.com |
|
Alozî û serhildanên ku li Îranê destpêkirin rejîma Sûrîyê û serokê wê Beşar Esed jî nerehet dike. Heke rejîma melayên Tehranê têk biçe helbet wê darbeyek mezin li Sûrîyê û rejîma wê jî bikeve. Ji ber vê yekê, rejîma Esed dixwaze hem wefadarîya xwe nîşa bide, hem jî dixwaze rejîma melayên Tehranê li ser hikim bimîne.
Alozî û serhildanên li Îranê berfireh dibin û zêdeyî 60 bajarî di nav alozî p xwepêşandanan de ne.
Alozî û xwepêşandanên ku li Îran des pê bûne, tirsê dixe dilê rayedarên rejîma Sûrîyê jî. Îran di şerê Sûrîyê de piştgirîyek mezin da rejîma Sûrîyê û ew li ser lingan hişt. Têkçûn û ketina rejîma Tehranê, tê wateya lawazbûn û ketina rejîma Sûrîyê jî. Ji ber vê, rejîma Sûrîyê naxwaze Îran têk biçe û dixwaze rejîma melayên Tejranê li ser hikim bimîne.
Wezareta Derve ya Sûrîyê di derbarê helwesta Amerikayê û rewşa Îranê de daxûyanîyek belav kir û tê de piştgirîya xwe ji bo rejîma Îranê ragihand.
Wezareta Derve ya Sûrîyê, daxuyand ku “Helwesta Amerikayê helwestek xirabkar e û wê ewlehîya herêmê zêdetir xirabtir bike. Em daxûyanîyên berpirsên Amerîkayê şermezar dikin”.
Wezareta Derve ya Sûrîyê herweha piştgirîya da rejîma melayên Tehranê û got: „Sûrîye her ligel Îranê ye. Wê Îran li hember lîztikên derve û xerabkaran berxwedar be”. |
|
|