| |
| Belçîkayê piştgirî da serxwebûna Kurdistanê |
 |
| 2017-07-11 21:33 |
| MediaKurd > info@mediakurd.com |
|
Serokê Kurdistanê Mesûd Barzanî tevî heyetekê serdana Belçîkayê kir û dan û stendinên dîplomasîyê kir. Di serdanê de Barzanî behsa referandûma serxwebûna Kurdistanê ji rayedarên Belçîkî re kir û hêvîya piştgirîyê ji wan kir.
Piştî dan û stendinên dîplomasîyê, Serokwezîrê Herêma Flaman a Belçîkayê Geert Bourgeoîs, daxuyand ku ewê rêzê ji endama referandûmê û helwesta Kurdan re bigrin.
Di bersiva pirsên rojnamevanan de Barzanî eşkere kir ku ji bo referandûmê wê Belçîka çavdêran bişîne Kurdistanê û encama referandûmê bişopîne.
Serokwezîrê Herêma Flaman a Belçîkayê Geert Bourgeoîs, di axavtina xwe de got: „Di mijara çavdêran de emê bi bextewarî daxwazê hembêz bikin. Di referandûma 25ê Îlonê de wê Kurd biryara çarenûsa xwe bidin. Divê em rêzê ji biryara gelê Kurdistanê re bigrin“.
|
|
|